Noah Gordon nazioarteko eleberrigile ospetsuenetakoa izan da, besteak beste, ‘Azken judua’ eta ‘Xamana’ eleberriengatik. Baina benetan ospetsu 1986tik aurrera bilakatu zen, ‘Medikua’ liburua argitaratu zuenean. Hari jarraitu zioten trilogia osatu zuten beste bi eleberrik: ‘Xamana’ eta ‘Cole Doktorea’. Lehen liburu horren moldaketa 2013. urtean iritsi zen. Alemaniako etxe batek produzitu zuen eta Europako publikoari zuzenduta sortu zuten ia erabat. 

Hamabi urte beranduago iritsiko da film honen segida: ‘Der Medicus II’. 

Isfahandik ihesi, Rob Cole medikua Londresera joango da bere medikuntza ezagutza partekatzeko eta aplikatzeko, gorteetako intrigek eta desberdintasunek markatutako hirian. Bidean, erronka profesional eta pertsonalei egin beharko die aurre, bizitzak salbatzeko eta aintzatespena lortzeko borrokan ari den bitartean. 

Bere borrokarik handiena giza sufrimendua arintzea izango da, bizitzaren hauskortasunari eta jakintzaren mugei aurre eginez. 

Tom Paynek Rob Cole mediku sutsuaren papera egiten du berriro. Proiektuarekin liluratuta, Paynek zera dio: «Aktore askok ez dute antzeztu duten paper batera itzultzeko aukerarik. Eta are gutxiago 10 urte geroago. Ohore handia da niretzat hain maitatua den pertsonaia bati berriro heldu ahal izatea eta istorio epiko eta xurgatzaile baten barruan gai esanguratsu eta unibertsalak esploratuko dituen abentura berri bat partekatzea. Desiratzen nago jendea berriro Rob Coleren munduan sartu eta esperientzia zinematografiko liluragarri batez gozatzeko».