Zinema Euskaraz programaren eskutik, ‘Super Charlie’ eta ‘Tigre galdua’ izan ziren 2025ean eman ziren euskarazko azken lanak, eta 2026a ‘Oilaskoerbi eta marmotaren sekretua’ film belgikarrarekin hasiko dute. Publiko orokorrari zuzendutako lana euskarara bikoiztuta ikusi ahal izango da. 

Filma 2022an estreinatu zen ‘Hopper oilaskoerbi’ lanaren jarraipena da. Iraganari buruzko sekretu bat argitara aterako da, eta heroia eta bere lagunak abentura epiko batean murgilduko dira, marmota misteriotsu baten bila. Marmotak iragana aldatzeko eta agian bere espeziea salbatzeko ahalmena du. Baina ez dira bakarrik egongo; laster konturatuko dira ez direla marmotaren magiaz jabetu nahi duten bakarrak.