Polizia turkiarrak beste bi alkate kurdu atxilotu ditu
Turkiako Poliziak ordezkari kurduen aurkako ofentsibarekin aurrera jarraitzen du, eta azken orduotan Yenisehir eta Kayapinar hirietako alkateak atxilotu ditu, PKK gerrilla kurdiarekin lotura dutelakoan.
PKKrekin loturak edukitzea egotzita, azken orduotan Selim Kurbanoglu eta Mehmet Ali Aydin atxilotu ditu Turkiako Poliziak. Ipar Kurdistango Yenisehir eta Kayapinar hirietako hautetsiak dira, hurrenez hurren, atxilotuakoak.
Bi udaletako langileak atxiloketak ekiditen saiatu dira, eta eraikinetara sartu ahal izateko ateak bortxatu behar izan zituen Poliziak.
Efe agentziaren arabera, iragan irailetik, 47 alkate, haietako gehienak kurduen aldeko HDP edo BDP alderdietakoak, atxilotu edo kargugabetu dituzte, Turkiako Barne Ministerioaren aginduz. Zinegotzi ugari ere atxilotu dituzte tarte honetan.
Kasu batzuetan, Turkiako Gobernuak, udal horiek kudeatzeko ordezkariak izendatu ditu.