Idazle eta historialaria
Subjektu politikoa izatea

06/11/2019

Telebistako solasaldi batean entzun nion emakumezko bati: «emakumea subjektu politikoa da». Baieztapenak ez du gainditzen logika formalaren eta gaiari buruzko konbentzio orokorren formulaziorik. Ez du logikarik pentsatzea Cayetana Alvarez de Toledo subjektua dela emakumezkoa delako eta Joseba Asiron ez, gizonezkoa izatea tokatu zaiolako.

Beste kontu bat litzateke «feminismoa subjektu politikoa da» esango bagenu. Feminismoa gizartea eraldatzeko jendarteko mugimendua bezala hartuta. Kasu honetan, Asiron (eraldaketa horretako ere partaidea delakoan) subjektua litzateke eta Alvarez de Toledo estatu quoren (Herrien estatu-zapaltzaile eta patriarkalaren partaide) defendatzaileen aldean legoke.

Herri bat, itoarazten duten kultura eta hizkuntzaren defendatzaileak, estatu-nazioaren injustizia sufritzen dutenak eta abar, ahalduntzen direnean bihurtzen dira subjektu politiko. Euskaraz egiten dutenak, ikasi eta erabiltzen dutenak, elebakartasun gaztelarraren (frantsesaren) aurrean ahalduntzen direnean «subjektu kolektibo eragile» bihurtzen dira. Bai, euskaldunok ere, euskaraz egiten dugunok ere, subjektu politiko gara.

Oharra: ez nahastu subjektu politikoa izatea ‘botoa’ eman ala ez ematearekin.

Artículos
Paula Ajuria
09/12/2019
Kike Fernandez de Pinedo y Eva Lopez de Arroyabe
09/12/2019
Félix Placer Ugarte
09/12/2019
Cartas
Joseba Otano - Administrazioan Euskaraz Taldea
09/12/2019
Gerardo Hernández Zorroza
09/12/2019
Enric Vivanco Fontquerni - Barcelona
09/12/2019
Pedro Mari Usandizaga Añorga - Ondarroa
09/12/2019
Últimos posts
Martin Garitano
06/12/2019
Koldo Campos
05/12/2019
Martin Garitano
04/12/2019