Administrazioan, euskararen  erabileran aintzidaria izan den leloa “Errenta aitorpena euskaraz”  gero eta urrutiago dago haren helburutik Bizkaiko lurraldean emaitzei erreparatuz  gero. Urtez urte,  murritzagoak izaten baitira datuak, gero eta euskaldunagoa (Bizkaian % 25 euskaldun)  den gizartean (ikusi beheko kuadroa);

                Errenta aitorpena
 
   Urtea*       Aurkeztutakoak   Euskaraz         %
    2009            605.404            16.071        2,65
    2010            608.382            14.907        2,45
    2011            613.660            14.257        2,32
    2012            598.149            13.796        2,31
    2013            586.851            12.737        2,17    

*aitorpenaren urtea. Iazko datuak faltako lirateke
    
Inbidiaz ikusten dugu Gipuzkoako hainbat udalek errenta aitorpena euskaraz  abiatutako kanpainak, eta haiei esker lortutako emaitzak (2014ko errentak)  Beasainen %16,60, Ordizian % 17, Lazkaon %25… Debagoienan aurten «7 mila baietz»  daukate erronka(65.000 biztanle gutxi gorabehera).
    
Barriro-tik (euskararen aldeko taldea Bizkaiko Aldundian) ikusten dugu, motibazioa landuz gero, emaitzak lortzen direla eta hori da faltan daukaguna; erabileraren aldeko kanpainak  gure administrazioan, kanpoan zein barruan.

Horri buruz ikus dezagun zer esaten den «Eta hemendik aurrera zer?» duela gutxi  Euskara21 taldeak burututako txostenean; «Herritarren hizkuntzarekiko atxikimendua elikatu egin behar da, eta euskararen aldeko sentiberatze lana etengabe egin…» eta «erabilerara jauzi egitea da erronka; bihotzetik ezpainetara gehiagotan eta gehiagok eramatea nahi dugu». Hala bedi!

Erabilerak euskalduntzen gaitu!