Orain bi aste Baionan izan zen epaiketaren emaitza jakin dute gaur Nafarroa Behereko Donaixtiko gazteek, uztailaren amaieran okupatu zuten etxea 72 ordutan hustutzeko agindu du Baionako epaile batek.
Erabakia etxearen jabeak jarritako salaketaren ondoren etorri da. Jabeek euren jabegokoa dela eta gainera, etxea ez dagoela egoera onean argudiatu zuten auzitegian. Donaixtiko gazteen defentsak esan zuen jabegoa ez dutela zalantzan jartzen eta eraikina eraberritzeko lanetan ari direla.
Erabakia ezagututa Donaixtiko ‘San Mixel okupa’ etxeko kideek jakinarazi dute «legezkoa ez bada ere, erabat legitimoa» dela eurek garatutako dinamika. Azken asteetan ekimen ugari antolatu dituzte etxea bera eta herria biziberritzeko. Erabakia jakin den egunean ere auzolanaren aldeko aldarria zabaldu dute eta egun osoko egitaraua antolatu dute.
EH Bildu Gasteiz censura el uso de 2 millones de euros públicos en beneficio de El Corte Inglés
Un manto blanco cubre una calle de Errenteria... y no es nieve
El «lawfare» contra su pareja abate a Sánchez, que se toma unos días para decidir qué hacer
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
