Juan Karlos Izagirre alkatea buru, harrera ofiziala egin dio Donostiako Udalak Boliviako futbol selekzioari. Ekitaldia Alderdi Ederren izan da eta Izagirrek ongi etorria eman die futbolariei. 30 jokalariez gain, bertako federazioko lehendakariordea den Jorge Justiniano, Xabier Azkargorta entrenatzailea eta FIFAko bitartekari bat ere bertan izan dira.
Harreraren ondotik udalbatza aretoan egin den ekitaldian hiriko alkateak eta Euskadiko Federazioko lehendakariorde den Jon Ander Ganboak partida kirol eremutik haratago doala azpimarratu dute, izan ere, «loturak estutzeko, elkartasuna sustatzeko eta baloreak zabaltzeko lagungarri» izango dela uste dute.
Era berean, Izagirrek partida honek nazio bat aldarrikatzeko ere balio behar duela adierazi du.
Ekimenarekin amaitzeko, Justinianok Boliviako selekzioko kamiseta bat oparitu dio Izagirreri, honek, aldiz, Kontxako banderaren irudi bat eman dio.