Gazte Danbada amaitzear da. Atzean, lau eguneko jardun luzea, jaio berri den Ernai gazte antolakunde abertzaleak burutzen duen lehenengo edizioaren baitan.
Tailerrak, hitzaldiak, kontzertuak eta beste hamaika ekimen bildu ditu lau egunez Urduñan egin den gazte topaguneak. Gogoetarako, eztabaidarako eta ideien elkartrukerako jardunaldiak, euskal gazteriaren zati handi bat bildu dituztenak.
Gaurkoan, ordea, kanpin-dendak batu, egun hauetako esperientziak komentatu, azken uneko ezustekorik ez egoteko zenbaketak burutu, eta pixkanaka-pixkanaka etxerako bidea hartuko dute milaka gaztek.
Ernairen jaiotza jaialdia izan da aurtengo Gazte Danbada eta hitz bakarrean definitu dituzte aurtengo ondorio nagusiak: «Arrakastatsua». Oraindik ez dute zifra ofizialik eman, ez eta balorazio sakonik egin ere; hurrengo egunetan jakinaraziko dutela esan dute. Baina Urduñako jai horretan 7.000 gazte inguru batu direla adierazi du Ernaik eta boteprontoan, balorazioa «oso positiboa» dela.
Urduñako Udalari eta herritarrei ere eskertza mezua luzatu diete, lau egun horietan izandako eskuzabaltasunagatik.
Lateralidad, un tema desconocido pero crucial en el aprendizaje de las niñas y niños
PNV ganaría en Bizkaia mientras EH Bildu es la fuerza emergente, según un sondeo foral
Ertzainas acusan a los antifascistas del 12-O de usar «tácticas militares» en Gasteiz
Josu Jon Imaz agradece a Trump que «abra las puertas a una mejor Venezuela»
