Festa giroa nagusi Nafarroaren Eguneko ospakizunetan

Baxe Nafarroako hainbat auzapez, Udalbiltzako lehendakari Mertxe Aizpurua eta EH Bilduko Laura Mintegi parlamentaria hasiera ekitaldian izan dira. Baigorriko auzapez Jean-Michel Koskaratek nabarmendu duenez, «esparru guztietan loturak sendotzeko» helburua du festak.

NAIZ.INFO|BAIGORRI|2014/04/27
20140427_nafeguna
Xutik taldeko musikariak Baigorriko kaleak alaitzen. (Bob EDME)

Festa giroa da nagusi igande honetan Baigorriko kaleetan. Nafarroaren Egunaren 35. edizioa da aurtengoa Baxe Nafarroa eta Nafarroa Garaia batzeko helburuarekin sortutako jaialdiak.

Ildo horretan, «esparru guztietan loturak» sendotzearen beharra azpimarratu du Baigorriko auzapez berria den Jean-Michel Koskaratek hasiera ekitaldian. Bertan izan dira, ingurko herrietako hainbat auzapez, Udalbiltzako lehendakaria den Mertxe Aizpurua eta EH BIlduko parlamentaria den Laura Mintegi.

Goizean goiz abiatu da festa bertsolari, dantzari eta Basaizea Kultur Elkarteak antolaturiko ekimen ezberdinekin. Ondoren, herri bazkaria eta kontzertuak eta dantzak izango dira gauerarte.

ERLAZIONATUTAKO ALBISTEAK