NAIZ

Goizeko 9.00etan Loiolara joateko deia egin du Askeguneak

Aske Guneak asteleheneko egitaraua ezagutarazi du twitter bidez eta goizeko 9.00etan Loiolara joateko deia egin du. Azaldu dutenez, epaiketara aurkeztu ez diren gazteen kontrako atxilotze agindua eman dezake 10.00etarako Audientzia Nazionalak.

Lehen gaua igarotzeko prestatu dira Loiolan. (via twitter @maitebidarte)
Lehen gaua igarotzeko prestatu dira Loiolan. (via twitter @maitebidarte)

Gazte auzipetuek igande hontan sortutako Aske Guneak bere lehen gaua igaro behar du eta bertan bildutakoek deialdia egin dute astelehen goizean jendea hurbiltzeko. Goizeko 9.00etan jarri dute hitzordua, 10.00etarako Audientzia Nazionalak epaiketara aurkeztu ez diren auzipetuen kontrako atxilotze agindua egon daitekeela esan dute.

Aldi berean, goizeko egitaraua ezagutarazi dute twitter bidez. 10.30etan agerraldia egingo dute, 11.30etan Sahararen inguruko hitzaldia izango da, 12.00etan elkarretaratzea eta 14.00etan bazkaria.

Sortzaileei Azpeitiara joateko deia egin diete sare sozialen bitartez. Igande arratsaldean Skakeitan taldeko abeslaria izan da eta desobedientziaren inguruko hitzaldia ere eman dute.