Ekainaren 19an Gipuzkoako Goierri eskualdean egin behar duten galdeketaren azken faseari ekin diote. Izan ere, gaur bertan aurkeztu dute Legazpiko Latxartegi aretoan adostu duten galdera: «Nahi al duzu euskal estatu burujabe bateko herritarra izan?».
Galderaren batzordeko kideek galdera nola adostu duten azaldu dute parte hartze prozesuen baliogarritasuna nabarmenduz. «Erabakitze eskubidearen alde egotea modernoa eta erakargarria da», azpimarratu dute aurkezpenean eta baita ere «demokraziaz» hitzegiten ari garela. Ildo horretan, emaitzez haratago garrantzitsuena parte hartzea dela adierazi dute.
Ia 70.000 biztanlek osatzen dute Goieri eskualdea -Zumarraga, Urretxu, Ezkio-Itsaso, Beasain, Itsasondo, Legorreta, Legazpi, Gabiria, Ormaiztegi, Olaberria, Ordizia, Mutiloa, Arama, Altzaga, Gaintza, Lazkao, Zaldibia, Zerain, Segura, Idiazabal, Ataun eta Zegama-.
Heldu den ekainaren 19an galdeketak egingo dituzte ere Diman eta Bakaikun. Astebete lehenago Azpeitian egingo dute independentziari buruzko galdeketa, eta Ispasterren ere ekainerako jarri dute hautestontziekin hitzordua.
Galdeketen dinamika 2014an hasi zuten Etxarri Aranatzen eta 2015ean jarraitu zuen Arrankudiaga eta Zollon.
Enfado en Geroa Bai por quedarse fuera de la papeleta conjunta PSN-FA para el Senado
Frente Amplio y Podemos no logran un acuerdo global y el PSOE pacta un frente para el Senado
EH Bildu propone sus candidatos para el 29-N: Matute, Otero, Etxebarrieta y Maiz
Asiron, tras los incidentes por Vito Quiles: «Tengo muy claro de dónde vino la provocación»
