Prekarietatearen aurrean aktibatzeko beharra nabarmendu du Ernairen Gazte Birak

Ernai gazte antolakundea antolatutako Gazte Biraren baitan Confebaskera martxa egin dute Bilbon. Prekarietari aurre egiteko kontzientzia piztu eta aktibatzeko beharra nabarmendu dute. 

NAIZ|BILBO|2018/10/12 16:06
Ernai
Confebaskeko egoitzara martxa egin du Ernaik Bilbon, Gazte Biraren baitan. (FOKU)

Atzo hasi eta bihar amaituko den Gazte Biran prekarietatea salatzeko ekimena egin du Ernai gazte antolakundeak Bilbon.

Aurrena prekarietatearen «milaka aurpegien» inguruko mahai-ingurua egin dute eta ondoren Confebaskera martxa egin dute eta atean poltsa batzuk bota dituzte, «gure bizitzak zaborretara kondenatzen» dituztela salatzeko.

Gazte antolakundeko kideek nabarmendu dutenez, hainbat irakaspen atera dituzte ostiral honetako ekimenetik.

Alde batetik, prekarietatearen inguruan kontzientzia sortu eta, urrats bat gehiago emanda, hai aurre egiteko aktibazio fase batera igarotzeko beharra dagoela esan dute.

Ildo horretan kolektiboki eta sektore desberdinetatik antolatzeko baldintzak sortu behar direla ondorioztatu dute.

ERLAZIONATUTAKO ALBISTEAK