Txibertako sutea, kontrolpean

Atzo arratsaldean Angeluko erdigunean dagoen Txibertako basoak su hartu zuen, eta baldintza klimatologikoek sutea abiadura handian zabaltzea eragin zuten. Gaur goizean Claude Olive alkateak sutea kontrolatua dagoela adierazi du.

NAIZ|2020/07/31
Guz_feu_chiberta_bobedme113
Suhiltzaileak, sutearen kontrako borrokan (Bob EDME)

Atzo, 18:00ak aldera, Txibertako basoak su hartu zuen. Tenperatura altuak, hezetasun maila baxuak eta haizeak sutea abiadura handian zabaltzea eragin zuten eta, ordu gutxitan, basoaren 165 hektaera kiskali ditu eta Izadia parke ekologikoa suntsitu du.

 


130 suhiltzaile itzaltze lanetan aritu ziren, bi Canadair hegazkinen laguntzarekin. Kea arnastearen ondorioz hamasei pertsonak intoxikazio arinekin ospitaleratuak izan dira. Era berean, suteak hamaika etxeri eragin die; haietatik bost erabilezin gelditu dira. Alkatearen arabera, ostegunean ebakuatuak izan ziren ehun pertsonak ostiral arratsaldean haien etxeetara bueltatu ahal izango dira.

Gaur goizean Claude Olive alkateak «sutea kontrolpean» dagoela adierazi du: «hobekuntza bat dago gaueko egoerarekin konparatuta, baina oraindik bizpairu puntu konplikatu daude, eta ezin da baztertu sutea berrindartzearen aukera» adierazi du Olivek.


Sutea eragin duten arrazoiak oraingoz ezezagunak badira ere, alkateak adierazi du gutxi gora behera badakitela non piztu zen.

 

NAIZ KONTZERTUAK
Loading player...


Liher taldeak Donostiako Doka Kafe Antzokian emandako kontzertuaren unerik onenak.