Bilboko ACT Festival-aren jaialdiaren XX edizioaren karira, DelRevés dantza bertikaleko konpainiaren emanaldia izango da ekainaren 1ean, larunbatean, Bizkaia Aretoan 20.00etan.

Maiatzaren 31tik ekainaren 3ra bitartean Bilboko eta Barakaldoko hainbat agertokitan egingo den jaialdi honen barruan, publikoa arte biziak esperimentatzera gonbidatzen du; DelRevés konpainiak ‘Finale’ ikuskizuna partekatuko du.

‘Finale’ dantza klasikoko pieza bat da, arkitektura mugimenduaren euskarri gisa erabiltzen duena. Pieza honek espazio eszeniko berri batean dantza klasikoaz gozatzeko aukera eskaintzen dio ikusleari, testuingurutik kanpo utziz, ballet bat hiriko fatxada batera edo espazio natural batera eramanez.

Publikoak identifikatuko dituen pieza klasiko ospetsuak erreproduzitzen ditu, besteak beste, ‘El lago de los cisnes’, ‘El cascanueces’ eta ‘Giselle’ balletetako elementuak bilduz.

Delrevés dantza bertikaleko konpainia da, Bartzelonan sortu zuten Saioa Fernandezek eta Eduardo Torresek, eta 2007. urtearen erdialdean ekin zion ibilbide artistikoari. Hamabost urte hauetan zehar, nazioarteko ibilbide sendoa egin du, mundu osoan zehar bere lana erakutsiz. Dantza bertikalaren diziplinaren ikuspegi berri bat emanez, Delrevés lengoaia propio eta berritzaile berri baten sortzailea da.

Ekitaldirako sarrera dohakoa da.