Irailaren 6tik 13ra arte egingo da da Errenteriako Dantzarte Dantzaren Astea. Programazioaren barruan mugaz gaindiko bi jaialdi izango dira: Maitaldia, Malandain Ballet Biarritzek antolatuta, eta Dantza Hirian.

Maitaldia jaialdiaren barruan, Biarritzen aurkeztuko den Ballet de l’Opéra Grand Avignonek Martin Harriagueren ‘Awen, the sacred veil’ ikuskizuna eskainiko du irailaren 11n, Lekuona Fabrikan.

Dantza Hirian mugaz gaindiko dantza jaialdi ibiltariak, aldiz, hiru dantza pieza eskainiko ditu irailaren 12an, Herriko Plazan eta Zumardian.

Horrez gain, beste formatu batzuk ere jasoko dira: ‘Malandain, amodioa gorpuzten denean’ filma ikusteko aukera izango da, eta Lekuona Fabrikan dantzarekin lotutako liburu-txoko bat ere jarriko dute.