En Tol Sarmiento taldea azken ukituak ematen ari da aurren duen erronkari. Izan ere, martxoaren 15, 21 eta 22an Bizkaia Arenan (BEC) 45.000 pertsona bilduko ditu. «Euskal musikagintzan mugarri bat izango da», adierazi dute Last Tour-eko arduradunek.

Sarrerak duela urtebete baino gehiago agortu ziren, eta horrek ekitaldiaren garrantzia berresten du. «Euskarazko musikaren historiako jendetsuena bihurtu da», nabarmendu dute.

Hiru kontzertuek aurrekaririk gabeko hedapen teknikoa izango dute. «250 m2-ko pantaila, ia 40 pertsona taula gainean, musikari, dantzari eta giza talde handi baten artean».

Jaian hainbat artistak parte hartuko dute. Egun bakoitzean, ETSren emanaldiaren aurretik, Andoni Ollokiegik eta Gozategik, kontzertu banarekin, emango diote hasiera gauari.

2023ko abenduan eman zuen ETSk planen berri. Ordutik igaro den denbora honetan, ETSk emozioak bizi izan ditu etengabe, zuzeneko emanaldi onenaren Gaztea Saria eta bere 20. urteurrenerako ereserki bat konposatu duen bezala. ‘Zure eskutik’ abesti itxurako gutuna da, eta Iñigo Etxezarretak, taldeko abeslari eta liderrak, lehen pertsonan idazten dio bere publikoari, sentitzen duen guztia aitortuz. «Taldea bizirik dagoela amets eginarazten duen pertsona bakoitzari egindako maitasun omenaldia da, eta azken urteetan ETSren inguruan sortzen ari den eromena eskertzen du», Iñigo Etxezarreta ETSko buruaren hitzetan. «Zure eskutik da gure ereserkia, BECen elkar besarkatuko dugun 45.000 pertsona baino gehiagoren ereserkia!. Oraintxe gaituzue eskutik helduta».

BBK Herriko Plaza

Azken egunerako, martxoaren 22rako, ETSk, BBKrekin batera, jarduera soziokulturalen egun oso bat antolatu du publiko guztientzat. Horrela, bada, jaiegun bat ospatuko du BECeko bigarren pabiloian.

«ETSk unibertso berezia sortuko du bertako kulturari balioa emanez, eta, horrela, folklorea, jaiak eta euskal musika omenduko ditu. Txupinazoa, Miren Nogales eta Antton Telleriarekin batera, umorez, herri kirolak, haurrentzako jarduerak, kalejirak, Puro Relajoren musika mexikarra, Joselu Anaiak taldearen erromeriarik onena eta DJ Bull taldearen erritmoa izango dira. Gune honetara sarrera erosi zuten pertsonek bakarrik izango dute sarbidea, Eguneko jarduerak barne», diote.

Autobusak

Joan-etorriak errazteko, eguneko joan-etorriko autobus-bidaiak antolatuko dira divertisenvivo.com webgunean erreserbatu ahal izango dira, eta Altsasu, Amorebieta, Arrasate, Azkoitia, Azpeitia, Beasain, Bergara, Donostia/San Sebastián, Durango, Eibar, Ermua, Errenteria, Gernika, Irun, Iruña-Pamplona, Guardia, Lizarra, Oñati, Oion, Tafalla, Tolosa, Gasteiz eta Zarautzetik abiatuko dira. Eskariaren arabera geltoki gehiago izan daitezke.

ETBk zuzenean

Martxoaren 22ko kontzertua zuzenean emango da 21.30etik aurrera ETB2n, Xabier Garcia Ramsdemek aurkeztuta, eta EiTBko irratien, eitb.eus-en eta Primeran-en bidez ere jarraitu ahal izango. Oso gau berezia izango da, eta EiTBk hedapen tekniko handia izango du errealizazio, ekoizpen eta argiztapen teknikarien artean.

«Unitate Mugikorrak 18 kameraren seinalearekin lan egingo du, besteak beste, scorpio bat, travelling bat eta towercam bat, kontzertuaren xehetasunik ez galtzeko. Kamera guztiek 4K formatuan lan egingo dute, eta lehen aldiz EiTBk zuzeneko musika-kontzertu bat eskainiko du HbbTV bidez (Internetera konektatutako telebistetan)», zehaztu dute.

Egitaraua:

Martxoak 15

18.00 Ateak irekitzea
 18:15 Andoni Ollokiegi
19:15 Gozategi
21:00 ETS

18.15 Andoni Ollokiegi


19.15 Gozategi


21.00 ETS

Martxoak 21

18.00 Ateak irekitzea


18.15 Andoni Ollokiegi


19.15 Gozategi


21.00 ETS


Martxoak 22

Bizkaia arena (sarrera orokorra)

18.30 Ateak irekitzea

18.30 Andoni Ollokiegi

19.45 Gozategi

21.30 ETS

Bigarren 
pabilioira sarrera duen publikoarentzat bakarrik

BBK Herriko Plaza:
 12.30 BBK Herriko Plazako ate irekiera
 12.40 DJ Bull
 13.30 Txupinazoa (Miren Nogales & Antton Telleria)
 13.45 Puro Relajo
14:45 Herri kirolak: Aizkolariak (Mikel Larrañaga eta Julen Alberdi "Txikia IV"
 15.05 DJ Bull
 15.30 Herri kirolak: Harrijasotzailea (Urdax)
 15.50 DJ Bull
 16.20 Herri kirolak: Aizkolariak (Karmele Gisasola & Oihana Fernandez)
 16:40 Dantzaldia: Joselu Anaiak
 18.30 Herriko jaiak, amaiera


Egunean zehar haurrentzako jolasak, puzgarriak, kaleko musika, janari postuak... egongo dira.

Informazio gehiago webgunean.