Ekirock jaialdia larunbatean Añorgan
Data
24.05.11 - 24.05.11
Lekua
Gipuzkoa - Donostia
Maiatzaren 11n Ekirock, ‘Izpiak jaialdia’-ren laugarren edizioa ospatuko da Añorgako Harrobiaren plazan. Egun osoko musika festa izango da eta ez da jatekorik zein edatekorik faltako. 12.00etatik aurrera bost musika proposamenez gozatzeko aukera izango da. Goizean bi musika proposamen, eta arratsaldean, beste hiru. Tartean, bazkari goxoa 15 euroen truke, non patatak errioxar erara, oilasko errea eta postreaz gozatzeko aukera izango da. Ixabe, Peru Galbete, Yaima Orozco eta Kadira osatuko dute egun berezi honetako afitxa, eta dena borobiltzeko, Dj Monky Man disko jartzailea. Jaialdi berezia da honakoa, non kontzertuen soinua eguzki energia bidez soilik elikatua izango den. Emanaldi guztiak doakoak izango dira.
Peru Galbete
Euskal Herriko ahots berezienetako bat da Peru Galbeterena. Usurbilen jaioa, egun Nafarroako Huarte herritik bideratzen du bere musika jarduera. Ukelelea eskuan, kantu xumeak sortzen ditu, emozioei eta intentsitateei bide emanez. Biko formatuan taularatuko da honako emanaldian, agertokian lagun Xanti Etxeberri izango du, kontrabaxua eskuetan.
Ixabe
Musikari beteranoan batzen dituen egitasmo berria da Ixabe. Ziburu aldetik datoz, eta folk eta rock giroak jorratzen dituzte pasarte ilunetan. Musika bidean ‘Antena baita’ diskoa plazaratu zuten 2023an, eta orain kantu horiek taularatzen ari dira.
Kadira
Lorea Zulaika musikari bizkaitarrak gidatzen du Kadira egitasmoa. Bakarkako egitasmo hasi zena talde forma hartu du orain eta 2023ko udan Mutrikuko AME Estudioetan grabatu duten lehen lana. Diskoa Balio Dute kolektiboaren babesean ikusi du argia.
Yaima Orozko
Yaima Orozko Kubatarrak trobadoreen tradiziotik edaten du. Musika koktelera beroa dakar besapean, sona, guajira, boleroa eta habanera bezalakoak nahastuz bere kantutegian.
Kokapena
Harrobi plaza (Añorga)
Harrobi plaza
Donostia. Gipuzkoa