Ehun talde eta bost agertoki. Hauxe Hatortxu Rock jaialdiaren eskaintza. Erraz esaten da. Governors, Olaia Inziarte, Auxili, Kristal Kolpatuak, Gora Musika, Tapia eta Leturia, Anje Duhalde, Fermin Balentzia, Dinamita, La Txama Y Su Flakofonki, Tremenda Jauria, Soziedad Alkoholika, Dj Reimy, Dj Bull + Dj Jotatxo, Dj Fresa Morango, Fillas de Cassandra, Anestesia, ZETAK, Delirium Tremens, Barniz, Bizardunak, Deskontrol + Arkada Social, Reincidentes, Kaleko Urdangak, KOP, Zea Mays, Las Ninyas del Corro, Mirua, Potato, Nafarroa 1512, Naxker, ødei, Odolkiak Ordainetan, Svetlana, On, Talco, Juantxo Skalari La Rude Band + Set Skalariak, Xiberoots, Xutik eta Zaunka, Latzen, Afu, Alaitz eta Maiderrek Burutekin batera eskainiko dituzten kantuak, Skatu, Bad Sound, Dupla, Su Ta Gar, Chuleria, Joder!, Brigade Loco, Leihotikan, Burutik, Tribade, Maskak, Les Testarudes, Non Servoum, Añube, Dj Plan B, Gatibu, DJ Trapella, La Jodedera, Süne –Huntzakok kideek lagunduta kontzertuaren zati batean–, Maruxak, Ibil Bedi, Autobus Magikoa, Sukena, The Lio, Kaotiko, Bulego, Buitraker, Nøgen, Tatxers, Skabidean, Streetwise, Banda Bassotti, Gozategi, Never Surrender, Eñaut Elorrieta, Los Zopilotes Txirriaos, Betagarri, Porrotx, Amaiur, Ene Kantak, Muga Zero, Moisés no duerme, Crim, Gorka Urbizu, Inadaptats, Koma, Lendakaris Muertos eta Green Valley, Herdoil, Sofokaos, Iñigo ETS, Ana Tijoux, Roba Estesa, Hogei Berriro, Bourbon Kings, Trikidantz eta Trikiteens.

Kartelera batzen azkenak Governors eta Huntza izan dira. Jaialdiaren soinu banda ezagunena sortu zuen taldeak ezin izan du hutsik egin azken edizio honetan. ‘Kristal kolpatuak’ ikuskizuna prestatu dute, eta uztailaren 26an 21.15 izango zuzenekoa.

Juan Sangre, taldeko kideak modu honetan azaldu die zaleei euren partehartzea sare sozialen bitartez: «Abesti bat eskatzen dizutenean ardura handia da helburu bat ordezkatzen duelako. Horretan saitu ginen, jaialdiaren indarra eta balioak abestian egotea nahi genuen. Hasieran bizpahiru abesti egin behar genituen, ez kontzertu osoa, eta horregatik ‘Kristal kolpatuak’ izena aukeratu genuen elkarlan bereziari forma emateko. Kontua handitzen joan da eta Governors kontzertuan egongo dela esan dezakegu».

«Bost urte dira eszenatokira igo gabe eta zirarragarria da jaialdiak esan nahi duenagatik. Maila pertsonalean emozioak oso presente egongo dira», aitortu du sare sozialetan luzatutako mezuan. «Espero merezi duen maila ematea» esanez amaitu du.

Süneren partehartzea iragarrita dago larunbaterako. Josune Arakistainek dagoeneko egonkortuta dagoen proiektua berria eramanen du taula gainera, baina aspaldiko lagunak izanen ditu ondoan. Bere lan berriez gain, nabarmentzekoa da, zaleen gozamenerako, Huntzako kideak izanen dituela alboan emanaldiaren parte batean. Astelehen honetan iragarri duenez, taldearen abesti ezagunenak errekuperatu eta publikoa dantzarazteko prest. 2024ko otsailean esan zuen «agur» taldeak, baina urtebeteren ostean ahalegin berezi bat egin nahi izan dute Hatortxuren azken edizioan ere Huntza egon dadin.

Zortzi talde bueltan

Zortzu itzulera iragarri dituzte guztira edizio bere honetan. Afu, Autobus Magikoa, Latzen, Buitraker, Alaitz eta Maider, Never Surrender Skatu eta Amaiur dira elkartasun jaialdi honen amaiera batuko diren beste itzulerak.

Sarrerak salgai daude webgunean.

Oholtza gainean izango diren taldeez gain, hainbat ikuskizun gehiago izango dira herriko eszenatokitik egongo den haurren txokoan, azokan eta baita NAIZ Gunean ere.

Eta NAIZ Gune berezi bat ere izango du jaialdiak.E ta aurten inoizko eskaintzarik zabalena izango du: espazio atsegin eta eroso bat, atseden hartzeko txokoa, terraza, gosariak, taberna eta bestelako zerbitzuekin (mugikor kargagailuak...). Baina, batez ere, pentsatzeko, entzuteko eta elkarrekin egoteko gunea izango da.

Elkartasun besarkada

26 urtez, auzolanean, errepresaliatu politikoen eta haien senide eta ingurukoei elkartasuna adieraztea izan da jaialdiaren sustatzaileen helburua. «Auziari erabateko konponbiderako urratsak ematea falta den arren», egindako lorpenak balioan jarri eta merezitako agurra antolatu nahi izan dute.

«Hatortxu badoala iragarri genuenetik ideia batekin ari gara lanean. Jaialdi honek izan duen ibilbidea kontuan hartuta, erdietsi dituen lorpenak ahaztu gabe, eta oraindik preso, iheslari eta deportatu politikoen auziari erabateko konponbidea emateko urratsak falta direla ahaztu gabe, behar bezalako amaiera ematea elkartasun jaialdiari. Horren lekuko izango da 5 eszenatokitan guztira 100 artistek osatuko duten eskaintza musikala», adierazi dute.

NAIZ Gunearen egitaraua:

-Ostegunean (24) Iker Gurrutxagak elkarrizketa musikatua egingo dio MASKAK taldeari, zuzenean, NAIZ Irratian ere entzungai.

-Ostiralean (25) NAIZ Irratiak ‘Kosta ala Kosta’ udako azken saioa NAIZ Gunetik bertatik emitituko du. Albina Stardust eta Divina Comedia-ren eskutik, Bingo trabesti musikatua egongo da eta Andoni Ollokiegik kontzertu berezia eskainiko du, espetxearen inguruko piezak bere errepertorioarekin uztartuz.

Horrez gain, Ane Martijak barkalariak kontzertua eskainiko du.

-Larunbatean (26), Iñaki Soto GARAko zuzendariaren gidaritzapean, presoen egoerari buruzko mahai-ingurua: Mikel Mundiñano (Sare), Aduna Mendizabal (Harrera) eta Onintza Ostolaza abokatua partaide.

Anuk eta Elene bikotearen kontzertuak.

Eta ‘Miseriak’ publikoaren aurrean egingo da, estreinakoz jaialdian.