‘Kontrapas’ Bilboko Loraldia Festibalaren barruan asteartea 24an aurkeztuko den proposamen eszeniko berezia da: Bernart Etxepareren kantu gogoangarriaren haritik, gaurko Euskal Herriaren testuingurua eta erronkak mahaigaineratzen ditu, eta horretarako lau lengoaia artistiko elkartzen ditu (hitzaren gidaritza, antzinako musika, rap bidezko eguneraketa eta pintura zuzenean), plaza berritu baten irudi kolektiboa sortzeko.

Lau diziplina, eszena berean: Patxi Zubizarreta (hitz-gidaritza), Danserie Ensemble (antzinako musika), Imanol Epelde (rap moldeko eguneraketa) eta Mintxo Cemillán (pintura zuzenean), ekitaldi bakarrean  

Data: 2026/03/24 (asteartea). Tokia: Kafe Antzokia. Ordua: 19.30. Sarrerak: 10-15 euro.