Naiz+ Naiz+

«…Animo euskal sozialistak bidean batuko gara», Estiballesen etorkizunerako gonbita PSEko kideen aurrean

Ramón Rubial fundazioak Eibarren antolatutako formazio eskolaren inaugurazioan izan zen atzo Arkaitz Estiballes bertsolaria. Oholtzaren gainean EHBilduko zinegotzia dela jakinarazi die entzuleei, Ramón Rubial fundazioaren gonbita ilusioz jaso duela esatearekin batera.

Botatako bertsoan gure herrian «gertatutakoa oso gogorra» izan dela aitortu du Estiballesek eta etorkizuneko belaunaldiei «hipoteka hau» uzterik ez dagoela nabarmendu du. Bertsoaren amaieran, Ramon Rubialen biloba eta PSEko europarlamenetari den Eider Gardiazábal Rubial gonbidatu zuen ondora, oholtzara.

Hona hemen bertsoa:

Ez dakizue baina Bilduko
zinegotzia naiz, hara!
Eta ez dakizue ze ilusioz
etorri naizen bertara
gure herrian gertatu dena
noski oso gogorra da
Baina hurrengoei hipoteka hau
ezin diegunez laga
Eider maitea etorri hona
zure indarrak atara
Animo euskal sozialistak
bidean batuko gara.

Denis Itxaso PSE-EEko diputatuak zabaldu du bideoa Twitterren: