Fito Rodriguez
Fito Rodriguez
Idazlea

Herioa Aberri

«Edozein injustiziarekin bat ez etortzeagatik/ ihes egiten duten seme-alabak hazten dituen/ Aberria/ handiagoa izaten baita
alde egiten dutenengatik/ geratzen direnengatik baino»

Baten batek erbesteratuak
iraganera begiratzen zuela
    zioen
zauriak miatu
besterik ez duela egiten
    zioen
eta, aldiz,
etorkinak
etorkizunera begiratzen duela
    diote
eskura dituen aukerak
profitatzeko nahi dituela
    diote

Baina etorkinik ez dagoela
    diot nik
balizko etorkin denak
erbesteratuak direlako

Eta Erbestea ez dela zigorra
    bizitzaren zigorretatik
    babesteko kaia baizik
    diote
Erbesteratua ez baita egoten
    pobreziaren beldur
    ez kartzelaren ikararaz
    ezta herioren izuaz
Erbesteratua ez baita egoten
    ikararen eta izuaren beldur
    ikaratuta, izututa eta beldurtuta bizi arren

Balizko etorkinaren elikagaia itxaropena dela
    diote
    eta Erbestea
    haren Aberria

Balizko etorkin guztiak
erbesteratuak direlako
    diot nik
gure herria
nonahi gaudelarik
gurekin ez dagoelako

«Edozein injustiziarekin bat ez etortzeagatik
ihes egiten duten seme-alabak hazten dituen
    Aberria
handiagoa izaten baita
alde egiten dutenengatik
geratzen direnengatik baino»
    zioen
    Ganivet poetak


Rigan hildakoak

«Gure indarra pobreziaz dugun ideian
datza
ez idealik gabeko aberastasunean»

    zioen

Anberes eta Helsinkin
bizi ondoren
Dvina ibaian ito zen
bere buruaz beste eginez
    zioten

Erbestean

ikara
izua
beldurra
    deritzoten

    Aberrian

Bilatu