Udako Ikastaroak :: Filosofia, Soziologia
Feminismoa, kultura-aniztasuna eta estatuaren eraikuntza Euskal Herrian
-
Hasiera-data: 2014(e)ko uztailaren 10a
-
Amaiera-data: 2014(e)ko uztailaren 11a
-
Tokia: Baiona - Baionako Unibertsitatea IUT
-
Nola heldu: http://www.tagzania.com/pt/baionako-unibertsitatea-iut/
-
Ordutegia: Osteguna-Ostirala. 9:00-12:00/14:00-17:00
Feminismoa eta kultura-aniztasuna bi diskurtso nagusi dira identitate-eraikuntzaren inguruko arloan, humanitate eta gizarte-zientzietan. Eremu intelektual eta akademiko kritiko garaikideetan kultura-aniztasuna eta feminismoa, bakoitzak bere kabuz, ikerketa-objektu autonomo emankorrak dira.
Aurkezpenetako eta eztabaidarako proposatzen dugun abiapuntua zera da: Kultura-aniztasuna eta feminismoa, hala bakoitza bere aldetik nola bien arteko uztartze-modu desberdinetan ulertuta, ez dira oso erraz murriztu daitezkeen eremu edota gaiak. Feminismoa ez da batere diskurtso bateratua. Kultura-aniztasuna ezin da emigrazioaren ‘arazoa’rekin lotu soilik, maiz egiten den bezala. Bestalde, bai feminismoa bai kultura-aniztasuna ohiko diferentzia eta dibertsitatearen aldeko diskurtso ezagunetatik harago hausnartu eta pentsatu behar dira, kritikoki.
Ikastaro honetan kultura-aniztasun(ar)en eta feminismo(ar)en arteko harremanak (biak ala biak dute defendatzen dibertsitatea eta diferentziaren diskurtsoa) eta elkartrukeak (ez beti oparoak) aztertuko dira ikastaroan. Kultura-aniztasun(ar)en eta feminismo(ar)en arteko dibergentzia eta konbergentzia hauek ikuspegi integral baten bidez ematen saiatuko gara. Testuinguru honetan, kultura-aniztasunak eta feminismoak jorratzen dituzten aipatu dibertsitatea eta diferentziaren diskurtsoak estatuaren inguruko teoria orokorrekin eta euskal estatugintzaren praktika zehatzekin lotuko dira.
Era berean, giza-teoria kritikoaren, azterketa post-kolonial / estrukturalistaren eta filosofia politikoaren arteko elkargunetatik abiatuz identitate kolektiboen eta subjetibitate politikoen eraikuntza-moduak ulertzeko modu berri(tzaile)ez arituko gara.
Egunez eguneko ordutegia
Uztailak 10 – osteguna
|
9:00-9:15 Sarrera: Ikastaroaren aurkezpena |
|
9:15-10:15 |
|
Tere Maldonado: Feminismoa eta multikulturalismoa: Adostadunak eta desadostasunak |
|
Imanol Galfarsoro: Eztabaidak kultura-aniztasunaren inguruan: Borroka politikoak, kontsumoko kulturak eta estatuaren kudeaketa |
|
|
|
Atsedena |
|
10:30-12:00 |
|
Iratxe Retolaza eta Amaia Alvarez Uria: Euskal imajinario kulturala: herritartasunak eta genero identitateak |
|
Jone Martinez: Euskal berrikuntza demokratikoak eta feminismoa: emakumeen biografia politikoetatik begiratua |
|
Bazkaria |
|
14:00-15:15: 1. Mahai-ingurua: Kultura-aniztasunaz eta diferentziaren diskurtsoaz Koordinatzailea: Andoni Olariaga. Gonbidatuak: Iker Iraola, Markos Nanclares, 11 kolore |
|
15-30–17.00: 2. Mahai-ingurua: Trans-feminismorantz: Herria eta Ideologia Koordinatzailea: Ainhoa Güemes. Gonbidatuak: Iratxe Fresneda, Idurre Eskizabel eta Zuriñe Rodriguez |
Uztailak 11 – ostirala
|
9:00-10:30 |
|
Jule Goikoetxea: Diferentzia naziogintzatik estatugintzarako bidean |
|
Zaloa Basabe: Feminismoa eta abertzaltasuna: konbergentziak eta dibergentziak |
|
Ainhoa Güemes: Euskal Antigonak: mitoa eta ideologia |
|
10:45-12:00 |
|
xara sacchi: Paisajes poscoloniales, prácticas artísticas y revolución… |
|
Laura Mintegi: Politikaren makrodiskurtsotik genero-hizkerara |
|
Joseba Gabilondo: Euskal literatura post-nazional baterako oharrak |
|
Bazkaria 15:00-16:30: 3. Mahai-ingurua: Feminismoa eta kultura-aniztasuna: Euskal Estatuaren zutabe? Koordinatzailea: Jule Goikoetxea. Gonbidatuak: Independestistak sarea, Bilgune Feminista, ELA eta LAB |
|
16:30-17.00: Ondorioak |
Matrikulaziorako argibideak
-
Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
-
Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
-
Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, i.iciar@ueu.org, (Irati).
Hemen UEUren matrikulazio-araudi orokorra.