Kierkegaard eta Beauvoir pentsaldian

Urteak zer utzi digun pentsatze hutsak bihotzean sortzen digun zimikoak bezalatsu, begiak itxita, atzerako ispilua izar-lainotan estali eta gure burmuinaren gaitasunak memoria selektiboki ezabatzen duela ikusteak halako poz txiki bat ere sortzen digu. Eta 2021a ate-joka dugu. Eta, itxuraz, amaitu bezala hasiko dugu urtea, ziurgabetasunarekin. Agian, balio izan digu, une batez, bederen, ohartzeko gure bizitzan dena dagoela bat-bateko aldaketa arbitrarioen mende. Gure lana, osasuna edo harremanak noiznahi gal ditzakegula. Gabonak ospatzen ditugun ateo deskreituak izanda ere, aurten, moralitateaz aritzeak ez digu kalterik egingo. Nonahiko ziurgabetasun horren adibiderik nabarmenena pandemia urte honetan heriotza bera izan baitugu. 1845ean, Søren Kierkegaard filosofo danimarkarrak, 30 urte bete baino lehen, bere zazpi anai-arrebetatik bost galduta, senideen hilobien aurrean zutik zegoela eman zuen hitzaldi sonatu hartan heriotzaren «ziurtasun ziurgabearen» gainean sakondu zuen. Badakigu hilko garela, baina ez dakigu noiz hilko garen. Bere bizitza laburrean, norbanako bakoitza bere hilkortasun indibidualaz eta erantzukizun moralaz berriz jabetzea bilatzen zuten obra filosofikoak utzi zizkigun.

Simone de Beauvoirrek ere utzi zizkigun lezio ederrak, gerraostean giza izaeraren ziurgabetasuna eta anbiguotasuna nabarmentzen zituen etika bat proposatu zuenean; kolektibo osoaren askatasunaren aldeko borrokan oinarritutako etika berri baten oinarri gisa. Agian, aurten ohartu gara, bizitzak eta askatasunak galtzen direnean, ezin dugula guztia salbatu, ezin ditugula gure balio guztiak errespetatu. Gaur, denok gaude krisialditik ateratzeko irrikan, urte zaputz hau amaitu eta gure askatasuna eta «bizitza normala» berreskuratzeko irrikan. Kierkegaarden eta Beauvoirren irakaspenekin eta azken hilabeteetako gure esperientzia kolektiboenekin geratzen naiz: gure askatasuna ezin da inoiz bermatu, guztion askatasunaren alde ere lan egiten ez badugu, eta lan honek aukeraketa egitea eskatzen du; ekitea, alegia.

Kierkegaard eta Beauvoir pentsaldian

Klikik gabe gelditu zara

Bilatu

Jarri harremanetan Naiz-ekin

Jarri harremanetan Mediabask-ekin

Kierkegaard eta Beauvoir pentsaldian

Artikulu hau irakurtzeko

erregistratu doan edo harpidetu

Klikik gabe gelditu zara

Bilatu

Jarri harremanetan Naiz-ekin

Jarri harremanetan Mediabask-ekin