LEHENENGO ERA
Osagaiak 4 lagunentzat
900 g txerri sekretu, tipula bat, 200 ml ardo gozo, 300 ml salda, koilarakadatxo bat arto irin, olioa, gatza, piperbeltz beltza.  

Zailtasuna                           2               

1. Sekretua tira loditan moztu eta gatza eta piperbeltz beltza bota.
2. Zartagin batean olio pixka bat berotu, xerrak pixka bat gorritu eta atera.
3. Zartagin berean txikitutako tipula erregosi.
4. Ardoa bota eta minutu batez egosi.
5. Salda gehitu eta 8 minutuz egosi. Urtutako arto-irina gehitu eta eragin.
6. Sekretua sartu eta minutu batez berotu.
Patata purearekin lagundu.

BIGARREN ERA
Osagaiak 4 lagunentzat
900 g txerri sekretu, 150 g foie, 100 ml ardo gozo, 300 ml esne-gain, koilarakada bat ezti, ardo zuria, olioa, gatza.

Zailtasuna                             2

1. Sekretuari gatza bota.
2. Foiea dadotan moztu. Zartagin batean, su ertainetan eta oliorik gabe, erregosi. Gatza bota.
3. Zartagin berean sekretua gorritu eta atera. Olioa kendu.
4. Zartaginera ardoa bota eta minutu batez egosi.
5. Esne-gaina bota eta egosi.
6. Sekretua sartu eta minutu batez berotu. Atera eta tiratan moztu.
Plateretan sekretua eta foie jarri eta saltsarekin estali. Arin erregositako patatekin lagundu.