LEHENENGO ERA
Osagaiak 4 lagunentzat
8 arrautza, 200 g perretxiko, porru bat, 4 xerra urdaiazpiko iberiko, 150 g ahuntz gazta, 250 ml esne-gain, olioa, gatza, piperbeltz beltza.

Zailtasuna                        2               

1. Txikitutako porrua olio pixka batekin erregosi.
2. Txikitutako perretxikoak gehitu eta erregosi.
3. Labean sartzeko lau banako ontzi gurinarekin igurtzi.
4. Gainean esne-gaina, zatitutako gazta, barazkiak eta arrautza bina, azalarik gabe, jarri. Gatza bota.
5. Labe beroan sartu, 180 gradutan, 10-15 minutuz. Atera.
Gainean urdaiazpikoa jarri.

BIGARREN ERA
Osagaiak 4 lagunentzat
8 arrautza, 4 xerra urdaiazpiko iberiko, 300 g patata, 100 ml esne, baratxuri ale bat, 150 g perretxiko, 40 g Idiazabal gazta, olioa, gatza.

Zailtasuna                       2               

1. Patatak zuritu eta urarekin 8 minutuz egosi. Xukatu.
2. Esnea, zurrusta bat olio eta gatza gehitu eta irabiagailuarekin nahasi.
3. Txikitutako baratxuria olioarekin erregosi. Tiratan moztutako perretxikoak gehitu eta erregosi.
4. Labean sartzeko lau banako ontzi oliorekin igurtzi.
5. Gainean purea, perretxikoak, arrautza bina, azalarik gabe, eta birrindutako gazta jarri.
6. Labe beroan sartu, 180 gradutan, 10-15 minutuz. Atera.
Gainean urdaiazpikoa jarri.