LEHENENGO ERA
Osagaiak 4 lagunentzat
300 g garbantzu, 200 g porru, 200 g azenario, 200 g kuiatxo, 200 g perretxiko, 4 arrautza, olioa, gatza.

Zailtasuna                           2

1. Garbantzuak bezperan utzi behar dira ur hotzetan beratzen. Xukatu eta urarekin garbitu.
2. Presio-eltze batean garbantzuak, ura eta gatza jarri. Estali eta egosi 40 minutuz. Xukatu.
3. Eltze batean arrautzak, ura eta gatza jarri eta 8 minutuz egosi. Freskatu, xukatu eta lau zatitan moztu.
4. Txikitutako porrua olio pixka batekin erregosi.
5. Txikitutako azenarioa gehitu eta erregosi.
6. Txikitutako perretxikoa eta kuiatxoa gehitu eta arin erregosi.
7. Garbantzuak gehitu eta arin erregosi.
Lau plateretan jarri eta gainean arrautza zatiak.

BIGARREN ERA
Osagaiak 4 lagunentzat
300 g garbantzu, 250 g tipula, 200 g tomate heldu, 4 arrautza, olioa, gatza.

Zailtasuna                      2               

1. Garbantzuak aurreko errezetan esan dugun bezala egosi.
2. Zartagin handi batean txikitu- tako tipula olioarekin erregosi.
3. Txikitutako tomatea gehitu eta arin erregosi.
4. Garbantzuak gehitu eta arin erregosi.
5. Arrautzak frijitu edo eskalfatu.
Lau plateretan garbantzuak jarri eta gainean arrautza bana.