LEHENENGO ERA
Osagaiak 4 lagunentzat
600 g hegaluze, 16 otarrainxka, 8 xerra kuiatxo, 16 tomate cherry, 2 baratxuri ale,  koilarakada txiki bat piperrauts, koilarakada bat ozpin, koilarakada bat ardo zuri, perrexila, olioa, gatza.

Zailtasuna                        1              

1. Hegaluzeari azala eta hezurrak kendu eta 24 dadotan moztu.
2. Otarrainxkak zuritu eta barruan daukaten hari beltza kendu. Osorik utzi.
3. Tomateak garbitu.
4. Brotxeta bakoitzean 3 dado hegaluze, 2 otarrainxka, kuiatxo xerra bat eta 2 tomate jarri. 
5. 50 ml olio eta txikitutako baratxuriak erregosi. Piperrautsa, perrexila, ardoa eta ozpina gehitu eta 10 minutuz egosi.
6. Plantxa bat olio pixka batekin berotu eta brotxetak erre, bi aldeetatik. Gatza bota.
Saltsarekin lagundu.

BIGARREN ERA
Osagaiak 4 lagunentzat
800 g hegaluze, 2 piper berde, piper gorri erdia, tipula bat, olioa, gatza.

Zailtasuna                        1              

1. Hegaluzeari azala eta hezurrak kendu eta 24 dadotan moztu.
2. Piperrei haziak kendu eta garbitu. 24 zatitan moztu.
3. Tipula zuritu eta 16 dadotan moztu.
4. Brotxeta bakoitzean 3 dado hegaluze, 2 zati tipula eta 3 zati piper jarri. Gatza bota. 
5. Plantxa batean brotxetak erre, bi aldeetatik. 
Alioli saltsarekin lagundu.