Urte berri bat dator eta, horrekin batera, 365 aukera berri mundua ezagutzeko. ‘NUBA’-k 2023 honetarako proposamen harrigarriak egin ditu.

Titanic-aren bila

Zortzi eguneko misioak eskaintzen dira aurten, itsasoko 1.000 kilometro baino gehiago zeharkatu  eta ur azpitik 4.000 metrora jaisteko, hots, historiako hondoratze ospetsuenaren lekuko izateko. Aditu talde batek murgiltze epiko honetan gidatuko zaitu Titanic-eraino. Bertan, ontziaren egungo egoera ikuskatu, dokumentatu eta ebaluatuko da, haren hondakinak betiko desagertu aurretik. Izan ere, gaur egun, UNESCOk babestutako eremu hori 2050erako desagertzea aurreikusten da, eta erabat esploratu gabe dago oraindik.

Ipar poloko luxuzko espedizioa

XX. mende hasierako abenturazale handien oroigarri gisa, ezezagunean murgildu eta Lurraren iparralderago dagoen eskualdea modu paregabe eta zirraragarrian zeharkatu daiteke. Globo gidatu batean, Ipar Poloko zeruen gainetik hegan egiteko aukera dago.

Bost izarreko hotel flotagarri bat bezala diseinatua, globo gidatu honek Longyearbyenetik abiatuko da, planetako hiririk iparraldekoenetik; hegaldian, airetiko panoramika ikusgarri batzuk ikusi ahal izango dira, edo Danimarkako Errege Etxeko antzinako chefaren menua dastatu. Behin Ipar Poloan lurreratuta, Robert Swan esploratzaile artiko eta aktibista klimatikoa espedizioaren buru izango da.

Lurreko punturik australenean

Antartika, oraindik ere azken erronkatzat hartzen dena, Lurreko lekurik urrunena da, eta dauden helmuga liluragarrienetakoa –eta gutxien esploratutakoa–. Paisaia izoztuek ezagutzen dituzten gutxi horiek arnasarik gabe uzten dituen agertokiak eskaintzen du Antartikak. Orain, espazio-turismoan inspiratutako munduaren amaierarako bidaia antolatu dute.

Zehazki, luxuzko kapsula polarrek osatutako kanpamentu esklusibo batean ostatu hartuz,  planetako basamortu izoztu australena ezagutzeko aukera dago. Bertan, glaziarrera begira dagoen sauna batez gozatu daiteke, munduko pinguino enperadoreen kolonia handienetako bat ikusi edo 10.000 urteko izotzarekin prestatutako koktel esklusibo bat dastatu.

Marteko misioak

Teknologia berriak probatzeko eta ikerketa berriak garatzeko balioko du, erakunde zientifikoen eta agintari akademikoen eskutik. Urrats bakoitzean, misio bakoitza, aurkikuntza bakoitza, Marten gizarte mota berri baten eraikuntzan protagonista izaten ari zarela konturatuko zara.