Brasilgo São Paulo hiriko dozena erdi bidaia antolatzaile Euskal Herrira iritsi dira. Profesionalek brasildarrek «premium» eskaintza egiten diete bezeroei, eta ‘Euskadi Basque Country Confidential’ eskaintza ezagutu nahi dute bertatik bertara, nobedade moduan euren katalogoetan eskaintzeko asmoz.

Basquetour Turismoaren Euskal Agentziako iturriek Europa Press agentziari jakitera eman dutenez, eragile brasildarrek Hondarribian (Gipuzkoa) hasi zuten bidaia, ‘Hiruzta’ txakoli-upategira egindako bisita gastronomiko batekin, hain zuzen ere.

Gipuzkoako kostaldeko udalerri honetaz gain, Donostia eta Bilboko hiriak, eta baita Arabako Errioxa ere bisitatuko dituzte hurrengo egunetan zehar, Basquetour Turismoaren Euskal Agentziak aipatu bezala.

Bizkaiko hiruiburuan, gainera, São Paulo hiriko dozena erdi bidaia antolatzaileak ‘Euskadi Basque Country Confidential’ klubera oraintsu sartu den Operaren Lagunen Bilboko Elkarteko (OLBE) operako ordezkari batzuekin egongo dira, zehazki Euskalduna jauregian.

Euskal Herrian egingo duten egionaldia larunbatean bukatuko da, maiatzaren 27an, beren bezeroentzako interesgarriak izango diran premium esperientzia bereziez gozatu ondoren.