Maiatzaren 9tik 11ra bost ikuskizun eskainiko ditu Zorrotzako Azoka parkean Clown Zorrotza topaketak. Bilboko Udalak antolatutako programaren edizio berriko saioak doakoak izango dira eta adin guztietako pertsonentzat pentsatuta daude.

Clown Zorrotza maiatzaren 9an, 18:00etan, hasiko da La Pez konpainiak eskainiko duen ‘J. M. Brutal’ euskarazko ikuskizunarekin. Ibilbide luzeko konpainia da La Pez. 2024an Leioako Umore Azokako Euskal Herriko ikuskizun onenaren Plaza saria irabazi zuen.

Ondoren, 19:00etan La Roca Producciones taldeak ‘Zozobra’ eskainiko du, «gure giroan gero eta tipikoagoak ez diren pertsonaiei buruzko antzezpen umoretsu eta gogoetatsu baten bidez kontzientziak astindu nahi dituen ikuskizuna», antolatzaileen esanetan.

‘WOOOOW’

Larunbatean, maiatzaren 10ean, jardunaldia 18:00etan hasiko da, Cía. La Churry konpainiaren ‘WOOOOW’ obra «ikusgarri eta dibertigarriarekin», eta jarraian, 19:00etan, Los Putos Makinas konpainiak inprobisazioan eta antzerki jokoan oinarritutako hiru estilo erabat desberdin uztartzen dituen ‘Piti Peta Hofen Show’ eskainiko du.

Clown Zorrotza amaitzeko, igandean, maiatzaren 11n, To R Mansion konpainia japoniarrak ‘Dive/Journey’ komedia eskainiko du 12:00etan. Marx anaien umorearen elementuak konpainia japoniarraren erritmo bereziarekin uztartzen dituen lana da.

Beraz, Zorrotza bisitatzeko aukera paregabea izango da hiru egunez.