Gaur dela 35 urte utzi zuten aske Nelson Mandela, 27 urteko espetxealdiari amaiera emanez

1990ko otsailaren 11n kartzelatik irten zen Nelson Mandela Hegoafrikako apartheidaren aurkako ekintzaile eta politikaria. 27 urteko espetxealdia jasan zuen eta 1994ko herrialdeko lehen hauteskunde multirrazialetan Hegoafrikako presidente bilakatu zen.

Gaur dela 35 urte utzi zuten aske Nelson Mandela. Nazioarteko presioen ondorioz, Botha presidenteak dimisioa eman zuen eta Frederik de Klerk presidente berriak Afrikako Kongresu Nazionala alderdiaren debekua kendu ondoren, 1990ko otsailaren 11n Mandelak Victor Verster kartzelatik irten zen, 27 urteko espetxealdiari amaiera emanez. Apartheidaren amaieran eta Hegoafrikako demokraziarako trantsizioaren hasieran une garrantzitsua izan zen.

Izan ere, urte horretan bertan, 1990 martxoaren 2an, Nelson Mandela hautatu zuten alderdiko presidente. Negoziaketetan nekaezin ari zen PN alderdiko presidentearekin, eta prozesuak fruituak eman zituen: 1993an akordioa lortu zen, Hegoafrikan erregimen demokratiko ez-arraziala eta sexista ezartzeko, pertsona baten printzipioan oinarrituta, hots, pertsona bat, boto bat.

Hegoafrikako historiako lehen hauteskunde multirrazialak 1994an egin ziren. CNAk garaipen argia lortu zuen eta Nelson Mandela aukeratu zuten herrialdeko lehen presidente beltza. 1996an Legebiltzarrak Konstituzio berria onartu ondoren, Hegoafrikako herritar guztien arteko demokratizazio eta berdintasun prozesua osatu zen.

Mandela afrikar nazionalista gisa ezagutu zen ANCko kide egin zenetik. Eskubide zibilen defendatzaile eta ekintzaile izan zen. Bere hitzaldiak ere ezagunak egin ziren mundu osoan zehar, ‘Ez dago askatasunerako bide errazik’, ‘Prest nago hiltzeko’ edota ‘Zuen askatasuna eta nirea’ izan ziren horietako batzuk.

2013an hil zenean, GARA egunkariak koaderno berezi bat argitaratu zuen, bere bizitzaren eta ideologiaren nondik norakoekin.