Fernado Valladares ikertzaileak hitzaldia eskainiko du Zarautzen hilaren 20an

Fernando Valladares Estatu espainoleko Ikerketa Zientifikoen Kontseilu Goreneko (CSIC gaztelaniaz) ikertzaileak hitzaldia eskainiko du ostegunean, hilaren 20an, Zarauzko Modelo Aretoan. ‘Demokrazien krisia eta giza eskubideak’ da izenburua, eta birzibilizazioaren inguruko gogoeta egingo dute.

Fernando Valladares Biologian doktorea eta ikertzaileak hitzaldia eskainiko du Zarautzen ostegunean, hilaren 20an, ZautzOn elkarteak gonbidatuta. ‘Demokrazien krisia eta giza eskubideak’ izenburupean deitu dute solasaldia, Modelo Aretoan, 19.30etik aurrera.

Estatu espainoleko Ikerketa Zientifikoen Kontseilu Goreneko (CSIC gaztalnaizko izendapenean) kidea ikertzailea da Natur Zientzien Museo Nazionalean, ekologoa eta aldaketa globalean aditua.

Zarauzko elkarteak azpimarratu duenez, «izen handiko zientzialaria» da Valladares, eta ikerketa ugariren egilea biodibertsitatea, klima aldaketa eta giza jarduerek ekosisteman dituzten inpaktuen azterketan.

Deialdiaren harira, ZarautzOn elkarteak azpimarratu du «une honetan demokrazia eta giza eskubideak defendatzen dituztenak ezinbestekoak» direla, «eta egoerak benetako heroi bihurtzen ditu gauza normalak egiteagatik, normaltasunaren erreferentzia galduta dagoen mundu honetan».

Birzibilizazioaren inguruko hausnarketa garatuko du Valladaresek Zarautzen, eta hitzaldiaren harira aurrerapen gisa grabatutako bideo batean azaldu du, Zarauzko tailerra aukera bat izango dela aztertzeko «zer egin daitekeen, zer egiten den txarto eta zein irtenbide egon daitezkeen gure eskuetan era indibidualean eta gizarte gisa».