«Talde terroristako kide» izatea egotzi die Parisko epaileak Oses eta Errazkini

Asteartean atxilotu zituzten bi euskal herritarrak, Ugaitz Errazkin Telleria eta Jose Javier Oses Carrasco, Parisera eraman eta bertan auziperatu egin dituzte, Efe agentziaren arabera.

Ugaitz Errazkin Telleria eta Jose Javier Oses Carrasco, asteartean atxilotutako ustezko bi etakideak, Toulouseko komisariatik Parisera eraman dituzte eta arratsaldeko lehen orduan igaro dira Laurence Levert epailearen aurretik, eta honek auziperatu egin ditu.

Dokumentuak faltsifikatzea, autoko matrikulak izatea, armak izatea eta erakunde armatu bat babestea egozten die fiskalak.