Emakumeak izango dira aurtengo protagonsitak Bilboko Aste Nagusian. Virginia Berasategi izango da pregoilaria, Nerea Orizaola txupinera eta Ohorezko Bilbotarra, aldiz, Amagoia Loroño izango da. Horrela eman du aditzera gaur Jaietako zinegotzia den Itziar Urtasunek.

Berasategi «sona handiko triatleta» delako aukeratu dutela azaldu du Urtasunek eta txupinera hautatzea, berriz, ‘Zaratas’ konpartsari egokitu zaio aurtengoan.

Arriaga Antzokian izan da aurkezpena eta aurtengoan emakumeak «jaun eta jabe» izango direla argi ikusi da.

Gauzak horrela, datorren larunbateko 19.00ak baino zertxobait lehenago pregoia irakurriko du Berasategik eta haren ostean izango da Orizaolaren txanda.