Athleticek lasaitasun pixkat irabazi du Osasuna San Mamesen gainditu ondoren (1-0). Adurizek egin du gol bakarra lehen zatiko 12. minutuan.

Bi taldeek gol aukera ugari izan dituzte partida osoan zehar, baina ez dute asmatu. Osasunak esaterako, hiru aldiz bota du baloia zutoinera.

Athleticek ere gol aukera garbiak hutsegin ditu eta azken unerarte lehiatu dira bi taldeak. Azkenean, zuri-gorrientzat izan da garaipena eta jaitsierako postuetatik irtetzeko balioko die. Osasunak berriz, sailkapenaren zuloan jarraituko du nahiz eta itxura ona eman duen San Mamesen.