Lekukoen NAIZi jakinarazi diotenez, istiluak goizaldeko ordubata inguruan jaso dira Andoainen, espetxetik atera berri den Urtzi Azpirozen ongietorrian.

Hamarka lagun lehen harrera horretan parte hartzen ari zirela, Ertzaintza iritsi eta bertan zeudenen aurka oldartu da. Lekukoen arabera, gazte batek erietxera joan behar izan du, buruan jasotako kolpe batek eragindako zauria artatzeko.

Aipatu dutenez, tentsio une handiak bizi izan dira eta ertzainek jarrera bereziki oldarkorra izan dute Azpiroz eta bere bikotekidearekiko.