Aurore Martin militante independentistaren atxilotzeak eta kartzelaratzeak hainbat erreakzio sortu ditu. Lehen erantzun herritarrak gaur goizean eman dira eta arratsalde partean ere Ipar Euskal Herriko hainbat herritan elkarretaratzeak egin dira.

Maulen izan da Martinen atxilotze eta espetxeratzearen aurkako lehen manifestazioa eta 200 pertsona inguru batu dira bertan.

Arratsaldean, aldiz, Baiona, Urruña eta Donibane Garazin egin dira protestak. Baionakoa izan da jendetsuena, 450 pertsona bildu baitira. Urruñan, aldiz, 94 pertsonek eskatu dute Martinen askatasuna.