Eskutitz bidez jakinarazi dio UPyDko bozeramaile Gorka Maneirok EH Bilduri ez dela koalizioarekin bilduko. Bere iritziz, «hauteskundeetan parte hartu izanak ez du bermatzen demokrata izatea».
Harremanak izateko baldintza gisa ezarri ditu Maneirok «ETAren historial kriminala kondenatzea» eta «irabazleen eta galtzaileen alde» lan egitea, «zesiorik eta inpunitaterik gabe, eta Justizia eta memoria kontutan hartuta, euskal gizartearen eta terrorismoaren biktimen duintasuna errespetatuz».
Maneiroren aburuz, EAEn «ezin esan daiteke egoera guztiz demokratikoa bizi denik argitzeke dauden 324 krimen terrorista ebazten ez diren bitartean». «Zuek eta zuen jarraitzaileek afera honetan aurrera egiteko gaitasuna baduzuela uste dugu», esan dio Laura Mintegiren alderdiari.
UPyDren iduriko, ezingo da egoera «guztiz demokratikoa» lortu, «ETA bizirik» dagoen bitartean.
EH Bildu koalizio independenistak pasa den asteburuan iragarri zuen Gasteiko Legebiltzarrean izango diren alderdi guztiekin eta beste zenbait eragilerekin hartu emanak hasteko nahia.
Mexikon hil da Hilario Urbizu Olaztiko iheslaria, 45 urte Euskal Herrira etorri ezinean emanda
La lista de Etxerat llega a 100 presos con la liberación de Julen Atxurra tras 30 años
Vuelve a desaparecer el tropezón en recuerdo de Xabier de Frutos, repuesto esta mañana
Aparece el cadáver de una mujer en la playa de Itzurun de Zumaia
