Kopako final zortzirenak irekita daude oraindik. Giro bikaina izan da gaur Ipuruan, eta jendetza bildu da Eibar eta Malagaren arteko norgehiagoka zuzenean ikusteko. 4.000 zaletu baino gehiago bildu dira.

Eibarrek irudi ona eman du eta aurre egin dio aurkariari. Bigarren zatian aurreratu da markagailuan Añibarroren golarekin.

Norgehiagoka alde izan dute armeroek, baina Malagak berdintzea lortu du azken momentuan Onyewuren golari esker.

Banako berdinketa, beraz, markagailuan, eta final laurdenetarako txartela nork eramango duen Malagan erabakiko da.