Esprintean amaitu da Euskal Herriko Itzuliko lehenengo etapa. Elgoibarren hasi eta bukatu, 156,5 kilometrotako ibilbidea osatu dute txirrindulariek. Tartean, sei igoera. Asentzio, Itziar, Endoia, Azurki, Kalbario eta San Miguel izan dituzte tartean.
Etapa gorabeheratsua izan da, ibilbideak ere hala aginduta. Baina esprintean erabaki da garaipena.
Simon Gerrans australiarrak erasoa jo du azken metroetan eta nagusitasuna erakutsi, bera izan baita azkarrena helmugan. Atzetik sailkatu dira Peter Velits (Quick Step) eta Angel Vicioso (Katusha).
Samuel Sanchez 18. postuan sailkatu da eta Itzulia irabazteko beste faboritoetako bat, Alberto Contador, zazpigarren.
Igor Antonek 14 segundu galdu ditu helmugan.
Sailkapen nagusian Gerrans da lider eta mendiko sailkapeneko maillota Amets Txurrukak (Caja Rural) eskuratu du.
Lateralidad, un tema desconocido pero crucial en el aprendizaje de las niñas y niños
El PNV defiende a Imaz y el PP lo elogia tras doblegarse ante Trump y una pintada en Zumarraga
Guardia Zibilak Altsasuko gaztetxearen eta Udalaren aurka egin du, zazpi kontzertu aitzaki
Dos paradas de Marrero en los penaltis dan el pase a la Real ante Osasuna en un partido agónico
