Osasunak partida eskasa jokatu du Espanyolen kontra eta merezitako porrota jaso du. Talde kataluniarra hobea izan da Sadarren, batez ere bi golak eskuratu dituen bigarren zatian.

Hector Morenok aurreratu du Espanyol markagailuan bigarren zatiaren hasieran korner batean baloia sarera bidaliz. Partida erabakita utzi duen gola arauzko denbora beteta zegoenean egin du Wakasok.

Osasunak aukera on bat galdu du jardunaldi honetan jaitsiera postuetatik urruntzeko. Celtak eta Mallorcak galdu ondoren, Deportivo orain nafarrengandik bost puntutara kokatu da.