Euskal Herriko 30 eragile inguruk Euskal Herriko 200 plaza beteko dituen #M18Plazara ekimenarekin bat egin dute. Horien artean dira EHE, Askapena, Bai Euskal Herriari, Behatokia, TAT, Esait, Euskal Herriko Kristau Elkarteak edo Eleak mugimendua, besteak beste.

Gasteizen elkarretaratzea egin dute goizean eta Gobernu espainolak Arabako hiriburuan duen delegaritzan espetxe politikari buruzko txostena utzi dute.

Herriraren izenean Erlantz Andak eta Bego Oleagak hartu dute hitza. «Konponbidearen bidean pausoak» emateko beharraz mintzatu dira eta Gobernu espainolaren «jarrera itxia ulertezina» dela salatu dute.

«Gatazka eta giza eskubideen urraketetan tematzea ez du inongo zentzurik», adierazi dute eta maiatzaren 18an deitutako mobilizazioetan parte hartzeko eskakizuna luzatu diote euskal jendarteari.