Hurrengo denboraldiko entrenatzaile berria aurkeztu du gaur Uxue Bilbao Basketek. Rafa Pueyo (Bilbo, 1971) orain arte laguntzaile izandakoa izango da taldea zuzentzen arituko den entrenatzailea. Taldeak beregan jarritako konfidantza eskertu du prentsaurrean eta «erronka berriari aurre egiteko moduan» ikusten du bere burua.
«Taldeak erabaki ausarta hartu du, baina espero nuen erabaki hau hartzea, prest nagoela uste baitut. Txus (Vidorreta) eta Fotis (Katsikaris) bezalako bi entrenatzaileen ondoan aritu naiz lanean eta esperientzia handi dut bigarren entrenatzaile moduan», adierazi du.
«Kirol maila oso altua» dela badaki Pueyok, eta maila mantentzeko konpromisoa hartu du, nahiz eta Uxue Bilbao Basketen egoera ekonomikoa ez den onena.
«Taldea LEB 2 mailan zegoenetik nago hemen eta bederatzi denboraldi egin ditut ACB ligan. Beti lortu dugu gure aukeren barruan lehiatzeko prest dauden taldeak osatzea. Berriro lortuko dugula ziur nago», nabarmendu du.
Bestalde, taldeko kontseilari ordezkari Gorka Arrindak Dairis Bertansen fitxaketa baieztatut du. 23 urteko eskolta, VEF Rigatik dator eta Bilbon izango da hurrengo hiru denboraldietan.
El juez encarcela a los dos detenidos en Irun, imputados por «terrorismo» pero sin pruebas
El PP elige a un joven muy activo en redes en busca de un escaño por Gipuzkoa 15 años después
Aitor Esteban se marca un Alberto Núñez Feijóo, quien no fue presidente porque no quiso
Euskal Selekzioa-Venezuela el 14N en San Mamés, con Gobierno Agirre y exilio en la memoria
