Libano iparraldeko hiruburuan, Tripolin, gutxienez 42 dira hildakoak eta 500 inguru zaurituak eguerdi partean izan den leherketa bikoitzaren ondorioz. 1990ean gerra zibila amaitu zenetik eraso larriena ela diote nazioarteko agentziek.
Lehen leherketa 13.30ak inguruan izan da Taqwako mezkitaren inguruan. Bigarrena, bertatik gertu Maarad kalean izan da, lehen ministroaren etxetik gertu.
Hizbullah-k gaitzetsi egin du erasoa eta diote egileek «gatazkaren haziak erein» nahi izan dituztela. Libanoko herritarrak «konfesioaren eta sektarismoaren» banderen baitan gatazkara eraman nahi dituen «plan kriminal» baten baitan kokatu dituzte erasoek. Babesa agertu diete herritarrei eta agintariei «herri hau txikitu nahi duten zurrumurruei» biderik ez emateko eskatu diete.