Donostiako Zinemaldiaren 61. edizioak Hugh Jackman aktoreari emango dio aurtengo Donostia Saria. Irailaren 27an emango diote saria, bera protagonista duen ‘Prisoners’ filmaren emanaldiaren aurretik.
Bere inguruan antolakuntzak gogoratu du Urrezko Globo bat eta Tony bat irabazi dituela. Zinemaldiak azpimarratu du adin guztietako ikusleengana iristea lortu duela bere ibilbidean. Lan anitzen erakusgarri ‘Broadway’-en egindako lana eta ‘X-Men’ aipatu dituzte. Baita ‘Les Misérables’-en egindako lana ere, komedia edo musikaleko aktore onenaren Urrezko Globoa jaso zuen beragatik.
Antolakuntzak ‘Real Steel’, ‘Australia’, ‘The Prestige’, ‘The Fountain’ eta ‘Scoop’ filmetan egindako lana ere gogoratu du eta baita ‘Happy Feet’ eta ‘Flushed Away’ animazio filmetan bere ahotsa jarri duela ere.
Orain bi urte eskaini zuen musika ikuskizuna, ‘Hugh Jackman-Back on Broadway’, ere gogoratu dute eta horren ondrioz jaso zuen Tory Saria. Antzerkian, kantuan eta zinean, guztietan egindako lana azpimarratu dute.