Realak hamar hilabete zeramatzan partida bat galdu gabe Anoetan, baina Atletico Madrilek ligako talde indartsuenetako bat dela erakutsi eta garaipena eraman du. Simeonek zuzentzen duen taldea nagusi izan da lehen zatian eta 0-1 irabazten joan da atsedenaldira Villak lortutako gol bati esker.

Reala suspertzen saiatu da bigarren zatian. Hala ere, Kokek egin du gola. Txuri-urdinek kolpe gogorra jaso dute, baina hogei minut falta zirenean Xabi Prietok gola egin du eta azken minutuetan berdinketaren bila joan dira.

Donostiarrak bigarren gola egiteko zorian izan dira. Granero eta Pardok aukera bikainak izan dituzte, baina Courtois atezainaren erantzuna hobea izan da.