Kontsumorako Prezioen Indizeak (KPI) gora egin du Gipuzkoan, Bizkaian eta Araban abuztuan, aurreko hilabetearekin alderatuta. Araban eta Bizkaian %0,4 hazi da inflazioa, eta Gipuzkoan, aldiz, hamarren bat gutxiago.

Nafarroan, aldiz, prezioak merkatu egin dira abuztuan, %0,4, INE estatistika institutu espainolak gaur zabaldu dituen datuen arabera.

Urte arteko inflazioari dagokionez, herrialde guztietan egin du behera. Gipuzkoak du tasarik altuena, %2,1ekoa, aurreko hilabetean baino bi hamarren gutxiago.

Bizkaian hiru hamarren jaitsi da, %1,9 arte. Araban %1,7ko tasa dute, bi hamarren gutxiago; eta Nafarroan %1,2koa, uztailean baino zortzi hamarren baxuagoa.

INEren arabera, erregaien prezio iaz garai honetan baino gutxiago garestitu da eta horrek eragin du inflazio tasaren beherakadan.