Datorren igandean Igeldon desanexioari buruz deituta dagoen herri galdeketa bertan behera geratzeko eskaera aurkeztu du Estatu Abokatutzak. «Oso behin behineko kautelazko neurriak» aplika ditzala eskatu zion, astelehenean, idatzi bidez, Donostiako Administrazioarekiko Auzien Epaitegiari, eta atzo jakin zuen horren berri Gipuzkoako Aldundiak.
Aldundiko talde juridikoa erantzuna lantzen ari da, eta berandu baino lehen helaraziko dio epaileari, ohar bidez jakinarazi duenez.
Martin Garitano buru duen erakundearen aburuz, «demokrazia oinarr-oinarritik erasaten» duen eskaera da Estatu Abokatutzak egindakoa, «lekuz kanpokoa erabat». Igeldoko herri galdeketari dagokionean izandako jarrera defendatu du Aldundiak «guztiz legezkoa» izan dela azpimarratuz.
«Gipuzkoako Herritarren Partaidetzari buruzko uztailaren 8ko 1/2010 Foru Arauaren baitan legeztatzen da Aldundiak eskumen osoa duela herri kontsulta ez lotesleak antolatzeko. Eta horixe da, behin eta berriz esan denez, igandean, azaroaren 10ean Igeldon egingo dena: herri kontsulta ez loteslea», esan du.
Blocus, la ‘mano negra’ violenta que confunde a los Mossos y lanza mensajes en Euskal Herria
Cargas de la Ertzaintza para desahuciar en Arrigorriaga a Carmen y a su hija de 11 años
EH Bildu, primera fuerza en intención de voto en la CAV, confirmaría el sorpaso en Bizkaia
Libertad provisional sin fianza al detenido por su vinculación con Blocus en Bilbo
