PPk ohar batean jakinarazi duenez, EAJrekin akordioa lortu du 2014ko Bizkaiko aurrekontuak aurrera ateratzeko.
Esther Martinez alderdi horrek Batzar Nagusietan duen bozeramaileak eta EAJren eledun Lorea Bilbaok sinatu dute akordioa gaur goizean. Unai Rementeria Lehendakaritza foru diputatua eta Jose Maria Iruarrizaga Ogasun diputatua ere bertan izan dira.
Hitzartutakoaren arabera, PPk aurrekontu proiektuari aurkeztutako osoko zuzenketak erretiratu egingo ditu, eta zuzenketa partzialak ere bai, adostutakoak izan ezik. Gainera, beste alderdien zuzenketak ez babesteko konpromisoa hartu du.
Akordioak ekonomia, gizartea, garraioa eta kultura alorrean hamabost neurri inguru aurreikusten ditu. Horien artean daude Algortako portu zaharra birgaitzea, AP-68 autobidea erabiltzen duten bizkaitarrentzat hobariak ezartzea, gazteentzako deskontu bonua ezartzea garraioan eta 2014ko hiruhilekoa baino lehenago Bizkaiko txartel turistikoa abian jartzea.
Joan zen astean Arabako aurrekontuen inguruko akordioa itxi zuten EAJk eta PPk, baita Gasteizko Legebiltzarrerako kontuetarako ere.
La Audiencia Nacional ordena el ingreso en prisión de Arantza Zulueta y Jon Enparantza
La adicción a la pregabalina no para de crecer en los márgenes
Expectación tras hallarse un planeta similar en tamaño y órbita a la Tierra
Dos años de prisión para el jefe de operaciones de la Ertzaintza en Durango por corrupción
