Eibarrek garaipen garrantzitsua lortu du Sportingen kontra Ipuruan (3-0) eta sailkapenaren lehen postuan jarraitzen du.

Atsedenaldia baino lehen Gilvan Gomesek egin du lehen gola eta bigarren zatian, Sporting jokalari bat gutxiagorekin geratu ondoren, Eibarrek partida erabakita utzi du. Jota Peleteirok egin du bigarrena eta Albentosak hirugarrena. 3 eta 0koa egin duten jokaladian Sportingeko atezainak txartel gorria ikusi du, areaz kanpo baloia eskuarekin ukitzeagatik.

Partidako azken ordu erdian bederatzi jokalariren kontra aritu da Eibar, baina ez du gol gehiagorik egin.